Çığırtma Plov
Tərkibi:
- 400 qr uzun düyü
- 300 qr pomidor
- 250 qr çolpa
- 150 qr kərə yağı
- 6 ədəd yumurta
- 2 ədəd orta boy soğan
- sarıkök
- duz, istiot
Hazırlanması:
Uzun düyü öncədən isladılır və duz əlavə edilərək suda qaynadılıb, süzülür. Ətri çıxanadək dəm almağa qoyulur.
Bu arada çolpa təmizlənir, orta hissələrə ayrılıb, yağda qovrulur. Üzərinə doğranmış soğan əlavə edilərək, birlikdə qızardılır. Pomidor doğranır, yumurtalar bir qabda çırpılır və hamısı tavaya əlavə edilərək bişirilir. Düyünün üzərinə səliqəli şəkildə yerləşdirilərək servis edilir.
Məsləhət:
Əgər toyuğu sümüklü sevmirsinizsə, çığırtmanı toyuğun sinə ətindən də hazırlaya bilərsiniz.