Sosial-top

Endirim jurnalı

Şəki pitisinin hazırlanma qaydası

seki pitisiBir nəfərlik gil qabda hazırlanacaq Şəki pitisi üçün lazımi ərzaqlar:
-Sümüksüz qoyun əti: 250 q (əzələ liflərinin olmadığı yumşaq hissələrdən)
-Noxud: 100 q
-Quyruq: 60 q
-Soğan: 1 baş (kiçik)
-Quru gavalı: 1 ədəd
-Duz, istiot, zəfəran, sumaq: Zövqə görə
Yeməyin bişirilmə qaydası:

1) Noxud bir gün əvvəlcədən soyuq suda yumşalmağa qoyulur.

2) Ət orta ölçüdə doğranılır.

3) Soğan xırda-xırda doğranılır.

4) Quyruq piti qabının ağzını tutacaq ölçüdə, çoxda qalın olmamaqla yastı kəsilir.

5) Piti qabına əvvəcə altdan quru gavalı atılır sonar üzərinə noxud əlavə edilir, daha sonar doğranmış soğan, üzərinə doğranmış ət, ən sonda isə yastı kəsilmiş quyruq səliqə ilə qoyulur.

6) Piti qabının ağzından biraz əskik olana qədər soyuq su əlavə edilir.

7) İlk qaynamadan sonara ətin kəfi alınır, bundan sonar oçaq tamamən azaldılır və vam odda bişirilir.

8) Noxudlar yumşalana yaxın duz və zəfəran (əsl zəfəran olması məsləhətdir) əlavə olunur.

Noxudlar tam yumşaldıqda piti bişmiş hesab olunur.

Sumaq və istiyot süfrədə əlavə olunur.

NUŞ OLSUN !

*Əgər piti qabınız təzədirsə, qabı əvvəlcədən yağdan doydurmaq lazımdır. Bunun üçün qaba quyruq dolduraraq 1 gun (bu prosesi az-az da yerinə yetirmək olar) qaynadmaq lazımdır.