Sosial-top

Endirim jurnalı

Təbiətimizi və düşüncələrimizi yaşıllaşdırmaq üçün əl-ələ

 JMB3881Yeni il və Dünya Azərbaycanlılarının həmrəyliyi günü ərəfəsində Bazarstore Mağazalar Şəbəkəsinin kollektivi Buzovna qəsəbəsində yerləşən 1 saylı psixonevroloji sosial xidmət müəssisəsini ziyarət etdi. Ziyarət müəssisə sakinləri üçün gözəl sürpriz oldu. Gözləri yolda olan bu insanları ən çox sevindirən isə onlarla xoş vaxt keçirəcək gülərüz qonaqların gəlişi idi. Müəssisədə olduğumuz 3-4 saat ərzində sakinlərlə söhbətləşdik, onlarla birlikdə rəqs edib əyləndik.Hər zaman olduğu kimi bu xeyirxah aksiyamızda dogma markamız “Azərçay” da bizimlə idi.

Qeyd edək ki, bu müəssisədə 276 nəfər yaşayır ki, bunların da əksəriyyəti əqli və fiziki çatışmazlığı olanlar, qocalar və əlillərdir. Müəssisənin rəhbəri Rəhimə Cəfərova müəssiənin hazırki vəziyyəti, görülən işlər, gələcək planlar barədə məlumat verdi. Daha sonra müəssisə sakinləri ilə birlikidə ağacəkmə aksiyasına başladıq. Burada sığınacaq tapanların istirahətinin yaxşılaşdırılması, həyətin göz oxşaması və yaşıllığın artırılması məqsədilə müəssisə ətrafında Bazarstore şöbə rəhbərləri və mağaza əməkdaşları əl-ələ verərək 200-dən çox Eldar şamı əkdilər. Gələcəkdə burada çox gözəl bir park inşa etdirmək niyyətində olan Rəhimə Cəfərova bu ağacların müəssisə üçün böyük töhvə olduğunu bildirdi. Bazarstore kollektivinə dərin minnətdarlığını dilə gətirdi. Bazarstore əməkdaşları Yeni il və Dünya Azərbaycanlılarının Həmrəyliyi günü ərəfəsində belə bir aksiyanın keçirilməsindən məmnun olduqlarını bildirdilər.

_JMB3839---Copy.jpg_JMB3895.jpg_JMB3964.jpg_JMB3868.jpg_JMB3970.jpg_JMB3881.jpg