Sosial-top

Endirim jurnalı

Bazarstore Qarabağ veteranlarının Novruz bayramını təbrik etdi!

qaziler 2Novruz xalqımız üçün birlik, bərabərlik bayramıdır. Bu bayramda hamı sevdikləri ilə bir yerdə olmaq istəyir. Azərbaycan torpaqları uğrunda canından keçməyə hazır olan, müharibənin ağrısını acısını yaşayan, cəbhədə vuruşaraq sağlamlığını qurban verən qazilərimizlə bir yerdə olmaq bizə qürur hissi yaşatdı. Park Bulvar və Bazarstore mağazalar şəbəkəsi Azərbaycan Vətən Müharibəsi Veteranlar Birliyinin Səbail rayon Təşkilatı üzvləri ilə görüş təşkil etdi. Qazilərimizi kosa və keçəl qarşıladı. Bayramımızın rəmzi olan Kosa və Keçəl duzlu, məzəli zarafatları ilə qazilərin üzlərində təbəssüm yaratdı.

Milli rəqslərimiz isə bayram şənliyinə xüsusi rəng qatdı. Naharda isə qazilərimizlə söhbət etmək imkanı qazandıq. Dövlətin göstərdiyi qayğıdan danışan veteranlar güclü ordumuzun torpaqlarımızı geri qaytaracağına əminliklərini ifadə etdilər. Gənclərimizin vətənpərvərlik hissini yüksək dəyərləndirən qazilər hər zaman döyüşə hazır olduqlarını da bildirdilər. Park Bulvar Bazarstore-da alış veriş etməyi sevdiklərini deyən qazilər Bazarstore mağazalar şəbəkəsinin PR və Marketinq şöbəsinin müdiri Günay Novruzqızıya suallar verdilər. Günay Novruzqızı bütün müştərilərə, xüsusilə qazilərimizə diqqət ayırdıqlarını ifadə etdi. Bazarstore-un ilk bölgə filialının Qarabağın qapısı olan Bərdədə açdıqlarını qeyd edərək tezliklə Şuşada, Laçında Bazarstore mağazasının fəaliyyət göstərəcəyinə əmin olduqlarını bildirdi. Park Bulvar AVM-in PR meneceri Günay Malikqızı bu görüşün Park Bulvar və Bazarstore üçün çox əhəmiyyətli olduğunu dedi. Qazilərimizə görüşə gəldikləri üçün təşəkkür etdilər.

qaziler-5.jpgqaziler-9.jpgqaziler-2.jpgqaziler-4.jpgqaziler-11.jpgqaziler-10.jpgqaziler-3.jpgqaziler-8.jpgqaziler-7.jpgqaziler-6.jpgqaziler-1.jpg