Sosial-top

Endirim jurnalı

Superkart

Super Kart - Bazarstore mağazalar şəbəkəsinin Müştəri Kartıdır.

Bu karta sahib olmaqla müştərilərimiz Bazarstore-un sadiq müştəriləri siyahısına daxil olur və Mağazalar şəbəkəsinin kart sahibləri üçün təqdim etdiyi endirimlərdən, kampaniyalardan yararlanmaq imkanı qazanır.

kart 1Müştərilərimiz Super Kartı heç bir ödəniş etmədən mağazalarda yerləşən müştəri xidmətləri və kassalardan əldə edə bilərlər.

Bu kartı alarkən müştərilərimiz özləri haqqında qısa məlumatları anketdə qeyd edir. Bu məlumat bazası vasitəsilə Bazarstore öz müştərilərini mütəmadi olaraq yeniliklər, endirimlər, mağazada keçirilən kampaniyalar barədə məlumatlandırır.
Super Kartla- məbləğindən asılı olmayaraq bütün alış-verişlər daha da sərfəlidir. Müştərilərimiz Super Kart vasitəsilə bir çox məhsullara endirimlər əldə etməklə, hədiyyə kampaniyalarından yararlanmaqla yanaşı müəyyən edilmiş məhsullardan və gündəlik alış-verişdən bonuslar toplamaq imkanı əldə edir. 20 manat və daha çox alış-verişlərdə ümumi məbləğin 1%-i qədər bonuslar Super karta toplanır. Məs: 20 AZN= 200 bonus, 55 AZN= 550 bonus 100 AZN=1000 bonus və s.

Super kartın müştərilərə təqdim etdiyi endirim və bonuslar rəflərdə yerləşdirilən Super kartlı qiymət etiketlərində, Bazarstore-un aylıq jurnallarında da göstərilir.

kart 2Bonus nədir və dəyəri nə qədərdir?

Bonus - müştərinin Super kartla alış-veriş zamanı əldə etdiyi qazancdır. Müştəri qazandığı bonusları nöbəti alış-verişində pul əvəzinə xərcləyə bilər. Müştərinin hər alış-verişində nə qədər bonus qazandığı, xərclədiyi və balansında nə qədər bonus olduğu kassa qəbzlərində göstərilir.

Qazanılan 1000 bonus= 1 AZN dəyərində hesablanır.

Super kart aktiv olandan sonra Müştəri istədiyi zaman balansındakı bonusları Bazarstore-larda pul əvəzinə xərcləyə bilər. Bonusları toplamaq və ya istifadə etmək müştərinin seçimidir.

Kartdan istifadə qaydaları

Super kartnız varsa Bazarstore-da hər alış-verişdə kassaya yaxınlaşarkən mütləq öncə kartınızı təqdim edin. Kartda bonusları toplamaq və ya xərcləmək sizin seçiminizdir. Kartı itirdiyinizdə mütləq Bazarstore mağazalarından birinə bildirin və ya 120 müştəri xidmətlərinə zəng edin.

Bonusları xərcləmək üçün kartınızı aktivləşdirin.

Tamhüquqlu Super kart sahibi olmaq üçün Müştərilərimiz “Müştəri anketi”ni doldurmalıdır. Kartı alan, ancaq anketi doldurmayan müştəri bonus qazana və endirimlərdən yararlana bilər. Ancaq qazandığı bonusları xərcləyə bilməz. Kartınızın aktiv olması və Bonuslardan istifadə etməniz üçün mütləq müştəri anketi doldurulmalıdır. Anketdə qeyd olunan ulduzlu xanaların doldurulması vacibdir. Bu xanalardan biri boş qalarsa və ya səhv yazılarsa Kart bonusları xərcləmək üçün aktiv olmayacaq. Bu səbəbdən də müştəri yenidən mağazaya müraciət etməli və anketi düzgün doldurmalıdır. Kartın düzgün doldurulması üçün mağazadakı müştəri xidmətləri, Super Kart məlumat mərkəzindən məlumat almaq olar.

Anket doldurulduqdan sonra 72 saat ərzində müştəri balansındakı bonuslardan istifadə edə biləcək.

Hörmətli müştərilərimiz, Müştəri anketini doldurarkən yuxarıda göstərilən qaydaları nəzərə almağınızı xahiş edirik. Çünki Sizin rahatlığınız və məmnunluğunuz bizim üçün önəmlidir.