Alma dolması kulinariya tarixi kitablarında, Azərbaycan ərazisini 18-19-cu əsrlərdə səyahət edən səyyahların qeydlərində adı keçən milli yeməyimizdir. Bundan əlavə, məşhur tarixçi Marianna Yerasimosun "Osmanlı mətbəxinin 99 resepti" kitabında bu yeməyin hələ 15-16-cı əsrlərdə sultan üçün hazırlandığı yazılır.

Tərkibi:
- 200 qr dana əti
- 200 qr quzu əti
- 100 qr albalı qurusu
- 70 qr kərə yağı
- 70 qr qoz
- 4 ədəd alma
- 1 ədəd orta ölçülü soğan
- abqora
- duz, istiot

Hazırlanması:
Almalar yuyulur, içləri oyulub təmizlənir.
Dana əti və quzu əti qiymə halına salınır, narın doğranmış soğanla yağda qovrulur, üzərinə qoz, albalı qurusu, abqora əlavə edilir. Zövqə görə duz və istiot səpilib, yaxşıca qarışdırılır. Hazırlanmış qarışım almaların içərisinə doldurulur, azca su əlavə edilərək, bişirilir.

Məsləhət:
Alma dolmasını sobada bişirməyi sınayın, bu üsulla da çox dadlı alınır.