Tərkibi:
- 500 qr uzun düyü
- 400 qr badımcan
- 50 qr üyüdülmüş qoz
- 1 ədəd orta boy baş soğan
- alça turşusu
- bitki yağı
- duz, istiot

Hazırlanması:
Düyü öncədən bir qabda üzərinə su əlavə edilərək isladılır. Badımcanlar ortasından kəsik atılaraq bitki yağında azca qızardılır. Soğan incə-incə doğranır. Üzərinə üyüdülmüş qoz, alça turşusu, zövqə görə duz və istiot əlavə edilərək qarışdırılıb içlik hazırlanır. İçlik qızarmış badımcanlara doldurulur, sobada 160 dərəcədə bişirilir. Bu arada düyü qaynadılıb süzülür, dəmə qoyulur. Badımcanlar hazır olduqdan sonra düyü ilə birgə üzərinə nar səpilərək təqdim edilir.

Məsləhət:
Alça turşusunun əvəzinə istənilən meyvənin turşusunu əlavə edə bilərsiniz. Yeməyi təqdim edərkən üzərini fərqli şəkildə bəzəyə bilərsiniz.