Tərkibi:
- 1 əd. kütüm balıq
- 1 əd. orta boy soğan
- 1 əd. orta pomidor
- 1 əd. acı bibər
- 1 əd. yaşıl bibər
- 1 dəstə cəfəri
- 100 q alça qurusu
- limon
- sarımsaq
- dəfnə yarpağı
- su
- yağ
- duz, istiot

Hazırlanması:
Pomidor, soğan və bibərlər yuyulur, çox kiçik olmayan ölçüdə doğranır, üzərinə cəfəri, sarımsaq, dəfnə yarpağı və limon əlavə edilir. Balıq yaxşıca təmizlənir, yuyulur, orta hissələrə doğranır.
Tərəvəzlər tavaya əlavə edilir, üzərinə doğranmış balıq yerləşdirilir. Su və yağ süzülərək, zövqə görə duz və istiot səpilərək orta dərəcəli odda bişirilir.

Məsləhət: Əgər acı sevmirsinizsə, sadəcə şirin bibər istifadə edə bilərsiniz. Bir çox bölgədə buğlamaya balaca doğranmış kartof da əlavə edilir. Yeməyi hazırlayacağınız balıqlar balaca ölçüdə olarsa, onları təmizləyib, bütöv bişirə bilərsiniz.