Azərbaycan mətbəxinin xəmir xörəkləri kateqoriyasına daxil olan gürzə digər yeməklərdən incə hörülmüş naxışı ilə fərqlənir.

Tərkibi:
- 300 qr un
- 300 qr quzu əti qiyməsi
- 1 ədəd yumurta
- 1 ədəd orta ölçülü soğan
- 1 dəstə şüyüd
- duz, istiot

Hazırlanması:
İlk öncə un, bir çimdik duz və apardığı qədər su ilə xəmir yoğrulur. Qiymə narın doğranmış soğan və şüyüdlə birgə yoğrulur, zövqə görə duz və istiot əlavə edilir. Xəmir çox nazik olmayan yuxa şəklində yayılır, yumru formada orta boyda kəsilir və alınan balaca yuxaların üzərinə 20 qr hazır qiymə qoyularaq incə hörüklə bükülür. Qazın üzərində öncədən qaynamağa qoyulmuş suda 10 dəqiqə bişirilir.

Məsləhət:
Gürzəni istəyə uyğun ət bulyonunda da qaynadaraq şorba kimi, yağda qızardaraq qəlyanaltı kimi də servis etmək olar. Yanında xama və ya qatıq kimi ağartı məhsulları təqdim edə bilərsiniz. Həmçinin, qiyməni öncədən qovuraraq gürzəni hazırlaya bilərsiniz.