Küftə-bozbaş Azərbaycan mətbəxinin ən məşhur yeməklərindəndir. Küftənin özü və ondan hazırlanan xörəklər türk yemək mədəniyyətinin təsirinin nəticəsidir. Buna görə də Avropadan Çinə qədər bir çox ölkədə qiymədən hazırlanmış, küftəyə bənzər oxşar yeməklərə rast gəlmək olar.

Tərkibi:
- 250 qr dana əti
- 250 qr quzu ətii
- 100 qr yumru düyü
- 150 qr noxud
- 70 qr alça qurusu
- 200 qr kartof
- 1 ədəd yumurta
- 2 ədəd orta ölçülü soğan
- yağ
- quru nanə
- sarıkök
- duz
- istiot

Hazırlanması:
Noxud öncədən bir qabda üzərinə su əlavə edilərək isladılır və bişirilir. Bu arada dana və quzu əti 1 ədəd soğanla birlikdə ətçəkəndən çəkilərək qiymə halına salınır. Yumru düyü, quru nanə, duz, istiot əlavə edilərək yoğrulur, 80 qramlıq hissələrə ayrılaraq küftələr hazırlanıb, soyuducuya yerləşdirilir.
1 ədəd soğan yağda qovrulur, üzərinə orta boyda doğranmış kartof, sarıkök, bişmiş noxud və ət bulyonu əlavə edilərək qaynamağa qoyulur. Bulyon qaynamağa başlayarkən küftələr əlavə edilir.

Məsləhət:
Noxud ət bulyonunda bişirilərsə daha dadlı olar. Yeməyin bişməyinə 15 dəqiqə qalmış bir az quyruq yağı əlavə edilə bilər. Sarıkök əvəzinə zəfəran suyu istifadə oluna bilər, şorbanın tam bişməyinə 5-10 dəqiqə qalmış əlavə edilməlidir.