Tərkibi:
Xəmir üçün
- 600 qr un
- 150 qr kərə yağı
- 100 qr xama
- 5 qr maya
- 60 ml süd
- 1 ədəd yumurta
- 1 çay qaşığı şəkər tozu

İçlik üçün
- 400 qr un
- 250 qr kərə yağı
- 250 qr şəkər tozu
- 5 qr qabartma tozu
- 1 ədəd yumurta

Hazırlanması:
Bir az süd, maya və bir çay qaşığı şəkər tozu birlikdə qarışdırılıb qıcqırmaq üçün isti yerdə saxlanılır. Un, otaq temperaturunda yumşaldılmış kərə yağı, xama və yumurta bir qaba əlavə olunur, üzərinə qıcqırmış maya süzülüe və xəmir yoğrulur. Yaxşıca qıcqırıb qalxması üçün gözlədilir.
Bu arada un, kərə yağı, şəkər və qabartma tozu, yumurta birlikdə başqa qabda qarışdırılaraq içlik hazırlanır.
Qıcqırmış xəmir kündələrə bölünür, çox nazik olmayan yuxalar yayılır və üzərinə içlik əlavə edilərək külçə şəklində bükülür. Hazır külçələrin üzərinə yumurta çəkilir, qoz və ya fındıq səpilərək sobada 150 dərəcədə 1 saata yaxın bişirilir.

Məsləhət:
İstəyinizə uyğun qoz ləpəsini fındıq əpəsi ilə də əvəz edə bilərsiniz.