Murqutuş Azərbaycanın qədim yeməklərindəndir. Cənub bölgəsinin hər yeməyində olduğu kimi, bu yeməyə də əsas ləzzəti üyüdülmüş qoz qatır.

Tərkibi:
- 3 ədəd orta boy soğan
- 1 kq çolpa
- 1 dəstə cəfəri
- 100 qr çəkilmiş qoz
- bitki yağı
- abqora
- duz, istiot

Hazırlanması:
Soğan və cəfəri təmizlənib, yuyulub incə-incə doğranır. Birlikdə bitki yağında qovrulur. Çolpa təmizlənib orta hissələrə bölünür. Soğan qızılı rəng aldıqda çolpa tavaya əlavə edilir, üzərinə çəkilmiş qoz, abqora süzülür. Duz və istiot səpilir, orta odda qapağı örtülərək bişirilir.

Məsləhət:
Zövqə görə abqora ilə birgə limon suyu da əlavə edə bilərsiniz. Yeməyi təqdim edərkən üzərinə nar əlavə edə və ya incə limon dilimləri düzə bilərsiniz.