Mütəkkə, çox şirin olmayan, ətirli və zərif tamlı, ağızda əriyən Azərbaycan şirniyyatıdır. Əsasən Novruzda hazırlanır və bayram xonçasında mütləq yer alır.

Tərkibi:
Xəmir üçün:
- 500 qr un
- 250 qr kərə yağı
- 50 qr şəkər tozu
- 1 ədəd yumurta
- 5 qr qabartma tozu
- 100 ml süd

İçlik üçün:
- 200 qr qoz ləpəsi
- 150 qr şəkər tozu
- vanil

Hazırlanması:
Qoz ləpəsi üyüdülür, şəkər tozü və vanil əlavə edilir, yaxşlca qarıçdırılı içlik hazırlanır.
Xəmir üçün bütün inqrediyentlər geniş bir qaba əlavə edilir, yaxşıca qarışdırılır və ələ yapışmayan, yumşaq xəmir yoğrulur. 30 dəqiqə dinləndirilir, sonra orta ölçülü kündələrə bölünür. Hər kündə çox nazik olmamaq şərtilə oxlovla açılır, içərisinə içlik qoyulub bükülür. 160 dərəcədə sobda 15-20 dəqiqə bişirilir. Servis edərkən üzərinə şəkər pudrası səpə bilərsiniz.