Tərkibi:
- 1 ədəd çolpa
- 1 ədəd narın dənəsi
- nar şirəsi
- yağ
- 1 ədəd orta boy soğan
- 100 qr şabalıd
- sarıkök
- duz, istiot

Hazırlanması:
Çolpa təmizlənib, hissələrə bölünür. Soğan incə şəkildə doğranıb yağda qovrulur, üzərinə çolpa əlavə edilərək, hər tərəfi qızılı rəngi alanadək qızardılır. Çolpa bişdikdən sonra tavaya təmizlənmiş şabalıd, nar dənələrini, sarıkök, duz və istiot əlavə edilir, qarışdırılaraq bişirilir. Yeməyin bişməsinə bir az qalmış üzərinə nar suyu gəzdirilib, öz buxarında bişməyə qoyulur.

Məsləhət: Toyuq ətinin yerinə quzu ətinin sümüksüz hissəsini, nar şirəsinin yerinə isə nar əzməsi istifadə edə bilərsiniz. Hər bir halda yemək çox dadlı alınacaqdır.