Ləziz və dadına doyulmayan nardança döşəmə plov ən rahat hazırlanan plov növlərindən biridir. Bu yeməyin adı 1858-ci ildə yazıçı və aşpaz olan ata Dümanın Şamaxıya səyahəti haqqıda yazdığı xatirələrdə belə keçir.

Tərkibi:
- 500 qr uzun düyü
- 100 qr albuxara
- 100 qr şabalıd
- 50 qr sarı kişmiş
- 50 qr dənələnmiş nar
- 2 ədəd orta boy soğan
- 1 ədəd bütöv çolpa
- bitki yağı
- kərə yağı
- sarıkök
- duz, istiot

Hazırlanması:
Düyü öncədən suda isladılır, toyuq isə qaynadılır. Bu arada soğanlar təmizlənib incə yarım halqa şəklində doğranır, yağda qovrulur. Üzərinə qaynadılmış şabalıd, albuxara, kişmiş əlavə edilir. Duz, istiot, sarıkök səpilib qarışdırılır, sonda nar əlavə edilir və ocaqdan götürülür.
Düyü duz əlavə edilmiş suda qaynadılıb süzülür.
Qazana kərə yağı əlavə edilir, üzərinə öncə qovrulmuş soğan və quru meyvələr, sonra düyü əlavə edilir. Ortaya bütöv çolpa yerləşdirilir, üzərinə yenidən soğan və düyü əlavə edilib dəmə qoyulur. Ətri çıxanadək bişirilir.