Övriştə Şəki mətbəxinin incilərindən sayılan qədim yeməklərimizdən biridir. Bəzi insanlar bu yeməyi ad bənzərliyinə görə əriştə ilə səhv salsalar da, övriştə tamamilə başqa inqrediyentlərdən hazırlanan çox dadlı ət yeməyidir.

Tərkibi:
- 200 qr çolpa
- 150 qr zoğal qurusu
- 100 qr zoğal əzməsi
- 100 qr kərə yağı
- 70 qr qoz ləpəsi
- 2 ədəd orta ölçülü soğan
- duz, istiot

Hazırlanması:
Çolpa təmizlənir, orta boy hissələrə ayrılıb yağlı tavada hər tərəfi qızaranadək bişirilir. Üzərinə incə doğranmış soğan əlavə edilib, birlikdə qovrulur. Qoz Ləpəsi narın doğranılır, zoğalla birgə tavaya əlavə edilib qarışdırılır. İnqrediyentlər bir az qovrulduqdan sonra üzərinə zoğal əzməsi gəzdirilir, duz və istiot səpilib, tam bişirilir.

Məsləhət: Kənd toyuğunu öncədən bir az suda qaynadıb, daha sonra qızarda bilərsiniz.