Tərkibi:
- 1 ədəd çolpa
- 3 ədəd orta boy soğan
- 300 qr pomidor
- 100 qr kərə yağı
- 1 dəstə keşniş
- duz, istiot

Hazırlanması:
Çolpa orta hissələrə bölünərək qızdırılmış yağda hər iki tərəfi olmaqla qızardılır. Daha sonra üzərinə incə doğranmış soğan əlavə edilib, birlikdə qovrulur. Pomidor toyuqla soğanın üzərinə doğranılır, qarışdırılıb, zövqə görə duz və istiot səpilib, vam odda bişirilir.
Yemək servis edilərkən üzərinə narın doğranmış keşniş səpilir.

Məsləhət: Əgər ət nisbətən yaşlı toyuğun ətidirsə, öncədən qaynadıb, sonra qızarda bilərsiniz, hənçinin, hinduşka əti də istifadə etmək olar. Pomidorun qabığını soyub bişirə bilərsiniz. Yeməyə kartof və bibər də əlavə edərək daha zəngin edə bilərsiniz.