Tərkibi:
- 500 qr sümüksüz mal əti
- 300 qr kartof
- 150 qr pomidor
- 100 qr yaşıl bibər
- 100 qr noxud
- 100 qr kərə yağı
- 1 ədəd orta boy soğan
- 1 dəstə keşniş
- duz, istiot

Hazırlanması:
Noxud öncədən isladılır və qaynadılaraq bişirilir. Mal əti orta hissələrə ayrılıb qaynadılır. Yağlı tavada incə doğranmış soğan qovrulur. Pomidorlar doğranılır, bişmiş noxudla birgə tavaya əlavə edilir. Üzərinə ət düzülür və ətin bulyonundan bir az süzülür. Kartoflar soyulub, ölçüsündən asılı olaraq orta hissələrə bölünüb digər inqrediyentlərin üzərinə əlavə edilir, ədviyyatlar səpilib bişirilir.

Məsləhət: Pomidorların qabığını soya bilərsiniz. Yeməyi servis edərkən üzərinə narın doğranmış göyərti səpə bilərsiniz.