- 500 qr uzun düyü
- 400 qr sümüksüz quzu əti
- 100 qr alça qurusu
- 100 qr kərə yağı
- 2 dəstə ispanaq
- 2 dəstə turşəng
- 2 dəstə keşniş
- 1 dəstə şüyüd
- 1 dəstə kəvər
- 1 dəstə göy soğan
- 2 ədəd orta boy soğan
- 1 ədəd limon
- sarıkök
- duz, istiot

Hazırlanması:
Düyü öncədən bir qabda isladılır, daha sonra qaynadılır, suyu süzülüb, dəmə qoyulur. Ətri çıxanadək (təxmini 30-40 dəqiqə) dəm almalıdır.
Göyərtilər də həmçinin öncədən təmizlənir, yuyulur və doğranılır.
Quzu əti balaca hissələrə doğranılır, yağda qovrulur. Üzərinə incə doğranmış soğan əlavə edilir və birlikdə qızardılır. Daha sonra tavaya doğranmış göyərti, alça qurusu əlavə edilir, sarıkök, duz və istiot səpilib, vam odda bişirilir.
Hazır olan səbzi düyünün üzərində qara kimi servis edilir.

Məsləhət: Səbzinin içərisinə quru meyvələri və göyərtiləri öz zövqünüzə uyğun əlavə edib və ya çıxara bilərsiniz.