Sürhüllü Azərbaycanın şimal-qərb zonasına, əsasən Qax, Zaqatala və Balakən rayonlarına məxsus xəmir xörəyidir.

Tərkibi:
- 700 mqr sümüklü quzu əti
- 500 qr un
- 100 qr pomidor
- 100 qr zoğal əzməsi
- 100 qr kərə yağı
- 2 ədəd orta boy soğan
- 1 diş sarımsaq
- 1 stəkan su
- duz, istiot

Hazırlanması:
Un, su və duzdan xəmir yoğrulur. Kündələrə bölünür, çox nazik olmayan yuxalar yayılır və doğranılır. Kəsilmiş xəmir parçaları barmaqla sürtülərək sürhüllü halına gətirilir və dinlənməsi üçün bir məcməyiyə un səpilərək düzülür.
Quzu əti kiçik hissələrə bölünür, incə doğranmış soğanla yağda qovrulur. Üzərinə doğranmış pomidor və zoğal əzməsi əlavə edilir, duz və istiot səpilib, birlikdə bişirilir.
Kənara dinləndirilən sürhüllü suda 10 dəqiqə qaynadılır, süzülür, üzərinə ətli qovurma əlavə elilərək servis edilir.