Bu yemək tərkibindəki şüyüdə görə həm çox xəfif, həm çox ətirlidir.

Tərkibi:
- 500 qr uzun düyü
- 300 qr kənd toyuğu
- 150 qr kərə yağı
- 100 qr albalı qurusu
- 5 dəstə şüyüd
- 2 ədəd orta boy soğan
- duz

Hazırlanması:
Uzun düyü öncədən yaxşıca yuyularaq isladılır. Bu arada şüyüd narın doğranılır, toyuq təmizlənib, orta ölçülü hissələrə ayrılır. Düyü qaynar suda bişirilərək süzülür. Bir qazana birinci toyuq, sonra kərə yağı, düyü və şüyüd, albalı qurusu lay-lay yerləşdirilir. Yemək təxmini 40 dəqiqə ətri duyulanadək vam odda dəmə qoyulur.

Məsləhət: Şüyüdlü plovu toyuqsuz, adi qarnir kimi də hazırlaya bilərsiniz. Həmçinin, quru meyvələri də zövqünüzə uyğun əlavə edə bilərsiniz.