Toyuq şorbası milli mətbəximizin ən sadə, eyni zamanda ən dadlı yeməklərindən biridir. Bənzər reseptləri demək olar ki, istənilən ölkədə tapmaq olar. Həmçinin Azərbaycanın hər bölgəsində bu şorbanın özünəməxsus növünü tapa bilərsiniz.

Tərkibi:
- 200 qr çolpa
- 1 ədəd orta ölçülü soğan
- 100 qr kartof
- 70 qr kök
- 60 qr yumru düyü
- 1 diş sarımsaq
- 1 dəstə keşniş
- bulyon
- sarıkök
- duz, istiot

Hazırlanması:
Çolpa hissələrə ayrılıb qaynamağa qoyulur. Bu arada soğan incə-incə doğranır, tavada qovrulur. Sarımsaq narın hala salınıb soğanın üzərinə sarıköklə birgə əlavə edilir. Toyuq bulyonu, toyuq tikələri və yumru düyü sıra ilə əlavə edilib qaynadılır. Kök və kartof uyğun bildiyiniz ölçüdə doğrandıqdan sonra qazana əlavə edilir, qarışdırılıb qaynamağa qoyulur.
Bişənə yaxın üzərinə narın doğranmış keşniş və duzla istiot əlavə edilir.

Məsləhət:
Şorbanın inqrediyentlərini dəyişməkdən çəkinməyin, öz dad zövqünüzə uyğun nələrisə əlavə edib və ya çıxara bilərsiniz. Şorbanı kənd toyuğu ilə bişirsəniz, daha dadlı olar.