Tərkibi:
- 500 qr sümüksüz quzu əti
- 500 qr sümüklü quzu əti
- 500 qr soğan
- 300 qr badımcan
- 5 dəstə cəfəri
- 2 xör. qaş. abqora
- yağ
- duz, istiot

Hazırlanması:
Sümüklü quzu əti orta hissələrə ayırılıb, bir qazanda qaynadılır. Bu arada sümüksü ət qiymə halına salınır, üzərinə narın doğranmış cəfəri əlavə edilərək orta ölçülü küftələr hazırlanır.
Yağlı tavada incə doğranmış soğan qovrulur, badımcanlar doğranıb qızardılır. Küftələr və qaynadılmış quzu əti əlavə edilir, üzərinə 2 xörək qaşığı abqora gəzdirilir, duz və istiot səpilib bişirilir.

Məsləhət: Bəzən turşu kabab hansısa qarnirin yanında qara kimi də servis edilir, lakin təklikdə bu yemək çox doyumludur. Bişərkən dağılmaması üçün küftələri tavaya əlavə etməzdən öncə bir az soyuducuda gözlədə bilərsiniz.