Demək olar ki, bütün tədbirlərdə hazırlanan, bəlkə də ən məşhur plov növüdür. Ət, quru meyvələr və soğanın sadə birləşməsi bu plovu təkrarolunmaz etməklə yanaşı, istənilən bayram süfrəsinin əsas yeməyinə çevirir.

Tərkibi:
- 500 uzun düyü
- 400 qr sümüksüz quzu əti
- 150 qr şabalıd
- 150 qr qaysı
- 150 qr albuxara
- 100 qr ağ kişmiş
- 4 ədəd orta ölçülü soğan
- 150 qr kərə yağı
- zəfəran
- sarıkök
- duz

Hazırlanması:
Düyü öncədən yuyulur və bir qabda isladılır. Daha sonra duz əlavə edilərək suda bişirilir. Bişdikdən sonra geniş qazana boşaldılır, zəfəran əlavə edilərək dəmə qoyulur.

Quzu əti kiçik doğranılır, yağda qovrulur. Üzərinə incə yarım-halqa şəklində doğranmış soğan əlavə edilir və birlikdə bişirilir. Soğan bişənə yaxın təmizlənmiş şabalıd, ərik qurusu, albuxara, kişmiş, sarıkök tavaya əlavə edilir, qarışdırılır və birlikdə qovrulur. Sonda zövqə görə duz səpilib qarışdırılır.
Servis edərkən dəmlənmiş ətirli düyünün üzərinə turşu-qovurma səliqəli şəkildə əlavə edilir.

Məsləhət: Əgər quzu ətinin yerinə istifadə edəcəyiniz ət nisbətən yaşlı heyvanın ətidirsə sərt olmaması üçün öncədən bir az qaynada bilərsiniz.