Bu yemək adını 3 fərqli tərəvəzin birləşməsindən hazırlanır. İçliyin eyni olmağına baxmayaraq, hər tərəvəzin özünəməxsus tamı yeməyi çox ləzzətli edir. Hətta bu yeməyi bütünlükdə deyil, müəyyən tərəvəzdən olan dolmasını sevənlər də az deyil.

Tərkibi:
- 200 qr dana əti
- 200 qr quzu əti
- 100 qr quzu quyruğu
- 100 qr kərə yağı
- 5 ədəd badımca
- 5 ədəd bibər
- 5 ədəd pomidor
- 2 ədəd orta boy soğan
- 1 diş sarımsaq
- 1 dəstə yaşıl reyhan
- 1 dəstə qara reyhan
- sarıkök
- darçın
- duz, istiot

Hazırlanması:
Tərəvəzlər yuyulur, bibər və pomidorun içləri oyularaq təmizlənir. Badımcanlar uzununa ortadan yarılır. Badımcanlar tam bişməyəcək şəkildə, azca qızardılır.
Başqa bir qabda dana əti ilə quzu əti qiymə halına salınaraq, incə doğranmış soğanla qovrulur. Üzərinə narın doğranmış reyhanlar, sarıkök, darçın, duz və istiot səpilir, qarışdırılır. Hazır qarışımla tərəvəzlərin içi doldurulur, 20 dəqiqə vam odda bişirilir.

Məsləhət:
İstəyə uyğun göyərtiləri və ədvaları dəyişə bilərsiniz, darçın istifadə etmədən, keşniş və şüyüd kimi göyərtilərlə də bu yeməyi bişirmək olar.
Naxçıvan zonasında dolmanın əti qiymə halında deyil, çox kiçik hissələrə doğranaraq hazırlanır. Həmçinin Bakı, Naxçıvan kimi yerlərdə içliyə ləpələnmiş noxud əlavə edilir. Bu halda noxud öncədən isladılmalıdır.