Xəmiraşı müxtəlif paxlalıların və quru meyvələrin əlavəsi ilə əriştə və küftədən hazırlanan xəmir xörəyidir. Sizə bu yeməyin ən çox yayılan və "Bakı üsulu xəmiraşı" kimi tanınan növünün reseptini təqdim edirik.

Tərkibi:
- 350 qr qiyməsi
- 200 qr qaragöz lobya
- 300 qr un
- 150 qr pomidor
- 1 ədəd yumurta
- 1 ədəd orta ölçülü soğan
- 1 stəkan su
- albuxara
- quru nanə
- zəfəran
- duz, istiot

Hazırlanması:
Un, yumurta və sudan xəmir yoğrulur, əriştə kəsilib qurudulur.
Lobya öncədən isladılıb, qaynadılaraq bişirilir. Soğan incə doğranılır və yağda qovrulur, bu arada qiymədən balaca ölçülü küftələr hazırlanır.
Qovrulmuş soğanın üzərinə bulyon, lobya, alça qurusu əlavə edilir, qarışdırılır. Şorba bir az qaynadıqdan sonra əriştə, ədviyyatlar əlavə edilir, qarışdırılır. Bişirilib isti-isti servis edilir.

Məsləhət:
Əgər küftələri hinduşka ətində hazırlasanız və ət bulyonu yerinə tərəvəz bulyonu istifadə etsəniz şorba daha yüngül və diyetik olacaqdır.