yarpaq xəngəli bu yeməyin növlərinin içində ən asan hazırlananlardandır. Çox sadə bişirmə qaydası ilə əsasən soyuq vaxtın sevilən yeməyi olan yarpaq xəngəli demək olar ki, Azərbaycanın bütün bölgələrində eyni qayda ilə hazırlanır.

Tərkibi:
- 500 qr un
- 250 qr dana əti qiyməsi
- 200 qr quzu əti qiyməsi
- 150 qr kərə yağı
- 230 ml su
- 2 ədəd orta boy soğan
- 1 ədəd yumurta
- sarıkök
- sarımsaq
- qatıq
- duz, istiot

Hazırlanması:
Un, su və duz ilə xəmir yoğrulur, dinləndirilir. Daha sonra orta kündələrə bölünərək, nazik yuxalar yayılır, dördbucaq formada kəsilir və qurudulur.
Soğan incə şəkildə doğranılır, qiymə ilə birgə yağlı tavada qızardılır.
Quru xəngəllər öncədən qaynayan suya əlavə edilərək bişirilir. Süzülüb, üzərində qovrulmuş qiymə ilə servis edilir.

Məsləhət: Qiyməyə nar dənələri də əlavə edə bilərsiniz. Bəzi yerlərdə qiyməyə kiçik ölçüdə doğranmış kartof da əlavə edilir.