Sevərək istifadə etdiyimiz, cürbəcür yeməklər, dadlı şirniyyatlar bişirdiyimiz, mətbəx mebelimizin ayrılmaz parçası olan mikrodalğalı sobanın təmizliyi həm gigiyenik, həm də estetik baxımdan olduqca önəmlidir. Əgər sobanı tez-tez istifadə edirsinizsə həftədə ən azı 1 dəfə təmizləməyə çalışmalısınız. Çünki ləkələr qaldıqca quruyur və təmizliyi çətinləşir. Bu yazımızda sobanızı rahat təmizləyə bilməyiniz üçün ipucu verəcəyik.

1. Soda və limon

Soda və limonlu su təbii, eyni zamanda effektiv təmizləyici məhluldur. Bu qarışım sobanın içini təmizləmək üçün də istifadə edilə bilər. Sodanın təmizləyici və dezinfeksiyaedici xüsusiyyətləri, limonun yağları həll etmək və ləkələri çıxarmaq qabiliyyəti birləşərək effektiv təmizləmə təmin edir.

• Bir qaba soda əlavə edin və üzərinə təzə sıxılmış limon suyu əlavə edin. Məhsulları krem halına gələnədək qarışdırın.
• Sobanın içərisindəki rəfləri və digər çıxarılabilən hissələri çıxarın.
• Qarışımı sobanın içərisinə və qapının iç tərəfinə çəkin.
• 30 dəqiqədən sonra soba təmizlənməkçün hazır olacaqdır.
• Gözləmə müddəti bitdikdən sonra sobanın içini süngər və ya nəm parça ilə təmizləyin.
• Təmizlədikdən sonra sobanı təmiz su ilə yuyun və parça və ya kağız dəsmal ilə qurudun.

Sobanızı bu üsulla təmizləmək kimyəvi təmizləyici vasitələrdən qaçaraq təbii və ekoloji cəhətdən təmiz bir yanaşma deməkdir. O, həmçinin sobanın içindəki pis qoxuları aradan qaldırmağa kömək edir.