Artıq əlavə qidaya keçid etmiş körpə üçün günün ilk qidalanması səhər saatlarında olacaqdır. Əgər körpənizi sizinlə eyni saatda yedirə bilsəniz onun daha iştahlı olduğunu hiss edəcəksiniz. Digər insanların da qidalanmasını görmək onu həvəsləndirəcək. Sizin üçün pratik şəkildə hazırlaya biləcəyiniz yemək resptlərini bir yerə topladıq.

Övladınıza yeni məhsul daddırarkən 3 gün qaydasını nəzərinizdə saxlamağınızı tövsiyə edirik. Bu əsasən allergiya riski yüksək qidalara aiddir.  

Reseptlər:

1. Bananlı yulaf əzməsi
İnqredientlər:

• 2 xörək qaşığı yulaf əzməsi
• 1 kiçik yetişmiş banan
• 1 stəkan su və ya ana südü/formula südü

Hazırlanması:
Yulaf əzməsini bir qazana qoyun.
Su və ya süd əlavə edin və vam odda bişirin.
Yulaflar yumşaldıqda, bananı əzin və qarışıma əlavə edin.
Yaxşı qarışdırın və soyudun.

2. Köklü kartof püresi
İnqredientlər:

• 1 orta kök
• 1 orta ölçülü kartof
• 1 çay qaşığı zeytun yağı

Hazırlanması:
Yerkökü və kartofu soyun və kiçik parçalara bölün.
Bir qazana qoyun və üzərini örtəcək qədər su əlavə edin. (Buxarda da bişirə bilərsiniz)
Tərəvəzləri qaynadın və yumşaq olanda onları süzün.
Zeytun yağı əlavə edin və püre halına gətirin.

3. Almalı yoqurt
İnqredientlər:

• 1 balaca alma
• 1 yemək qaşığı tam yağlı qatıq

Hazırlanması:
Almanın qabığını soyun və sürtgəcdən keçirin.
Sürtgəcdən keçirilmiş almanı qatıqla qarışdırın.
Yaxşıca qarışdırdıqdan sonra körpənizə verə bilərsiniz.

4. Avokado və taxıllı sıyıq
İnqredientlər:

• 1/4 avokado
• 2 xörək qaşığı düyü unu və ya yulaf unu
• 1 stəkan su və ya süd

Hazırlanması:
Düyü ununu su ilə qarışdırıb aşağı odda bişirin.
Bişdikdən sonra avokadonu əzib əlavə edin.
Yaxşı qarışdıraraq püre halına gətirin.

5. İspanaqlı yumurta püresi
İnqredientlər:

• 1 ədəd yumurta
• 1/4 su stəkanə qədər ispanaq (təzə və ya dondurulmuş)
• 1 çay qaşığı zeytun yağı

Hazırlanması:
Yumurtanı qaynadın və soyudun.
İspanağı buxarda və ya bir az su ilə bişirin.
Yumurtanı soyun, sarısı və ağını əzin, ispanaqla qarışdırın.
Zeytun yağı əlavə edin və püre halına gətirin.

6. Kabaklı püre
İnqredientlər:

• 1 ədəd kabak
• 1/2 su bardağı su
• 1 çay qaşığı zeytun yağı

Hazırlanması:
Kabakı soyun və kiçik parçalara bölün.
Suda və ya buxarda yumşalanadək bişirin.
Yumşaldıqda üzərinə zeytun yağı əlavə edib püre halına gətirin.