Yeməyin dadını müəyyən edən bir çox faktor mövcuddur. Sağlam qida üçün istifadə edilən məhsulların təbii və qatqısız olması vacibdir. Müasir texnologiya sayəsində bir çox qida məhsulu fabriklərdə istehsal olunur. Bu, istehsal sürətini artırsa da, dad və tərkibi dəyişə bilər.

Ev şəraitində bir çox məhsulu özünüz hazırlaya bilərsiniz. Qatıq da bunlardan biridir. Siz də evdə çox asan qatıq mayalaya bilərsiniz. Bəs qatıq necə mayalanır?

Qazanda Qatıq Necə Mayalanır?

Əvvəlcə istifadə edəcəyiniz südün miqdarını müəyyən edin. Südün miqdarını təyin etdikdən sonra uyğun qazan seçməlisiniz. Biz 5 litr südlə qazanda qatıq mayalanması reseptini yazırıq. Siz daha az südlə bunu edə bilərsiniz. 

Qazanda qatıq mayalamaq üçün lazım olan ərzaqlar:

• 5 litr təbii süd
• 1 xörək qaşığı ev qatığı

Qatıq Hazırlığı

Yoğurt üçün paket süd istifadə etməyin, təbii və işlənməmiş süd seçin.

1. Boyük bir qazana 5 litr südü əlavə edin və qaynadın.
2. Südü havalandıraraq soyudun; bu, südün yağının içində qalmasını təmin edir və üzərində qaymaq əmələ gəlməz.
3. Südün ilıq olduğunu yoxlamaq üçün kiçik barmağınızı südə batırın; 10 saniyəyə qədər dayana bilirsinizsə, süd kifayət qədər ilıqdır.
4. 1 xörək qaşığı ev qatığını südə əlavə edib yaxşıca qarışdırın.
5. Qatıq südə qarışdıqdan sonra qazanın qapağını örtün.

Qatıq təxminən 4 saata mayalanır. 4 saat sonra qatığı soyuducuya yerləşdirin. Üstündə əmələ gələn suyu atın. 5 litr süd təxminən 4 litr qatığa çevrilir.