Əlavə qidaya başalayan uşaqlarda ən çox görülən problemlərdən biri də qəbizlikdir. Bunun səbəbləri doğru qidaların seçilməməsi, bir dəfəyə çox yedirilməsi ola bilir. Unutmamaq lazımdır ki, körpələrin bağırsaqları hələ tam inkişaf etməyib və ən kiçik səhvdə bağırsaq hərəkətləri pozula bilir. 

Qəbizliyin digər səbəbləri bunlardır:

• Lif əskikliyi: Körpələrə verilən bəzi ek qidalar (məsələn, düyü unu, kartof) az lif tərkibli olur. Bu da bağırsaq hərəkətlərini yavaşlada bilər.
• Maye qəbulunun azlığı: Ana südü və ya əlavə qida körpənin maye ehtiyacını ödəyir. Əlavə qidaya keçid zamanı kifayət qədər su verilmədikdə, qəbizlik yarana bilər.
• Dəmir tərkibli qidalar: Əgər körpə dəmir tərkibli qidalar qidalar qəbul edirsə, bu da qəbizliyə səbəb ola bilər.
• Yeni reaksiyalara reaksiya: Banan, kök, düyü kimi bəzi qidalar qəbizliyə meyillilik yarada bilər. Körpənizin bu qidalara reaksiyasını diqqətlə izləyin.
• Bağırsaq hərəkətlərində dəyişiklik: Ek qidaya keçən körpələrdə bağırsaq hərəkətləri daha az ola bilər. Əgər körpənin nəcisi çox bərk deyilsə, bu vəziyyət normaldır və qəbizlik kimi qəbul edilməməlidir.

Körpələrdə qəbizliyin edə müalicəsi

• Lifli qidalar verin: Balqabaq, armud, şaftalı, brokkoli kimi liflə zəngin tərəvəz və meyvələrə üstünlük verə bilərsiniz.
• Maye Qəbulunu Artırın: Əlavə qida zamanı körpəyə su verməyi unutmayın. Xüsusilə yeməklərlə birlikdə az miqdarda su verə bilərsiniz.
• Hərəkət etdirin: Qarnına dairəvi şəkildə masaj etdikdən sonra ayaqlarını velosiped hərəkəti ilə hərəkət etdirin. 
• Zeytun yağı: Səhər acqarına bir çay qaşığı ölçüsündə təmiz tərkibli zeytun yağı içirə bilərsiniz. 
• Qaysı püresi: Körpənizə qaysı püresi hazırlayaraq yedirə bilərsiniz. (Resept üçün digər blogumuza nəzər yetirə bilərsiniz.)

Bu müddətdə körpənin poposuna uşaqlar üçün yumşaldıcı kremlərdən istifadə edilməlidir ki, fəsadlar yaranmasın və rahatlıqla nəcisini çıxara bilsin. 

Qeyd: Əgər körpəniz uzunmüddətli qəbizlikdən əziyyət çəkir, qarnı şişmiş və sərtləşmişsə, bütüngün narahatdırsa mütləq həkimə aparmalısınız. Qəbizlik halı başlamışsa ilk əvvəl həkiminizlə məsləhətləşməyiniz daha doğru addım atmaqda sizə kömək olacaqdır.