Sağlıqlı bəslənmə üçün meyvə-tərəvəzin keyfiyyəti, istehsal mərhələsi, evdə saxlanma şəraiti çox önəmlidir. Marketlərdə və ya bazarda meyvə-tərəvəzi seçərkən tərkibindəki vitamin və mineral qaynaqlarından maksimum faydalanmaq, dadını ala bilmək üçün bəzi meyarlara diqqət yetirmək çox önəmlidir.

Hər meyvə və ya tərəvəzin özünə xas rəng və teksturası vardır. Bundan yola çıxaraq ən yaxşı seçim etməyiniz üçün bir listə hazırladıq.

Tərəvəzlər üçün:

• Pomidor alarkən saplağının bitdiyi hissədəki yaşılllıq 6 çıxıntılıdırsa pomidor daha şirəli və ləzzətli, 5 çıxıntılıdırsa içi daha bərk və ləzzəti azdır. Daha ağır pomidorlar nisbətən şirəli və təzə olur.
• Xiyar seçərkən daha tünd olanlarını səbətinizə əlavə edə bilərsiniz. Kiçik ölçülü xiyarlar daha ləzzətli olacaqdır. Uc hissəsi nisbətən geniş və dolğun olanlar suyu daha yaxşı mühafizə etdiyini göstərir.
• Kök seçərkən daha sərt və parlaq olmasına diqqət yetirin. Kökün solğun və ya yumşaq olmaması onun təzə olmadığını göstərir.
• Kələmi seçərkən qoxusunun xəfifliyinə diqqət yetirin. Kəskin qoxusu olan kələm təzəliyini itirmişdir. Yarpaqları sıx və sərt olmalıdır. Çürümüş və boşalmış yarpaqlar kələmin su itirdiyinin göstəricisidir.
• Yaşıl lobya alacaqsınızsa kövrək və dənəsiz olmasına diqqət yetirin. İri dənəli lobyalar daha sərt olacaqdır.
• Badımcan alarkən qabığını barmağınızla basdığınızda əvvəlki halına tez dönməsinə diqqət yetirin. Bu badımcanın təzəliyinin göstəricisidir.

Meyvələr üçün:

• Bananın qabığını basarkən sərt olmamasına diqqət yetirin. Daha elastik qabıqlı bananların iç hissəsi daha şirəli və yeməyə hazırdır. Xəfif qoxulu bananı tərcih edin. Kəskin qoxu çox olgunlaşma və çürümənin göstəricisidir.
• Çiyələk seçərkən rənginə diqqət yetirin. Ağımtıl keçidli çiyələklər dadsız və tam yetişməmişdir.
• Alça seçərkən çatlaqlarının olmamasına fikir verin. Çatlaqlı alça suyunu itirmişdir. Daha uzunömürlü alça üçün çatlaqsız olması önəmlidir.
• Portağal və limon kimi meyvələrin qabığı daha incə olmalıdır.

Hərşeydən öncə meyvə-tərəvəz alarkən mövsümi meyvələrə yönəlməyiniz önəmlidir. Bu haqda ətraflı şəkildə məlumat almaq üçün digər məqaləyə buradan keçid edə bilərsiniz.