Bir möcüzə olan ana südü körpənizin əsas qidasıdır. Əvəzsiz olan bu qida körpənin doğulması ilə başlar və onun ehtiyacına uyğun olaraq şəkillənir. Hətta səhər və axşam belə tərkibi dəyişir və körpənizin immunitetinin güclənməsində əsas rolu oynayır. Hətta doğumun ilk saatında gələn "Kolostrum" adlanan ilk süd mütləq körpəyə verilməlidir ki, bu onun immuniteti üçün ilk peyvənd rolunu oynayır. 

Doğumdan sonra südün çox az gəlməsi və ya körpənizin əmə bilməməsi sizi qətiyyən qorxutmamalı və stresə salmamalıdır. Siz səbrli olmalı, bu dövrdə özünüzə və körpənizə fokuslanmalısınız. Hormonlar zamanla yoluna düşəcək və bədəniniz möcüzəvi şəkildə körpənizi doyurmağınız üçün var gücüylə işləməyə başlayacaq. Unutmayın ki, stres südün gəlməməsi və ya kəsilməsi üçün ən böyük səbəblərdən biridir. 

Süd verən analar günlük ən azı 400 kalori enerjiyə ehtiyac duyarlar. Bu dövrdə doğumdan qalan kiloları qətiyyən düşünməməli, yetərincə qidalanmalısınız. Südün keyfiyyətini artırmaq üçün sağlıqlı qidalanmağınız mütləqdir. Bu səbəblə eyni zamanda əlavə kiloları da asanlıqla verəcəksiniz. Südünüzü artırmaq üçün ehtiyacınız olan qidaları sizin üçün listələdik. 

1. Su. Südün 87%-i sudan ibarətdir, ona görə də südü ən çox artıran qida süddür. Hər zaman əlinizin altında su qabınızın olması sizi daha da motive edəcəkdir. Eyni zamanda ilk həftələrdə südünüzün istehsalı ilə birgə suya olan ehtiyacınızın artdığını da hiss edəcəksiniz. 

2. Süd məhsulları. Süd, yoğurt və pendir kimi məhsullar, kalsium və protein baxımından zəngindir. Bu maddələr ana südünün keyfiyyətini artırmağa kömək edir.

3. Suplar. İsti və bol vitaminli suplar həm südün keyfiyyətinin, həm də miqdarının artmasında böyük rol oynayır. 

4. Yulaf. Yulaf, lif və vitaminlər baxımından zəngin bir qidadır. Yulafın içində olan beta-glukan, süd istehsalını artırmağa kömək edən bir maddədir.

5. Çərəzlər. Omega-3 yağ turşuları və protein baxımından zəngin olan bu qidalar, süd istehsalını artırmağa kömək edir.

6. Meyvə-tərəvəz. Yaşıl yarpaqlı tərəvəzlər vitamin və minerallar baxımından ana südünə ən çox təsir edən tərəvəzlərdir. İspanaq, pazı, şüyüd, cəfəri, arugula kimi. Tut qurusu, tumlu qara üzüm, əncir və xurma ana südünü artıran meyvələrdəndir.

Ana südünü artırmaq üçün düzgün qidalanma çox önəmlidir. Yuxarıda qeyd olunan qidaları diyetinizə daxil edərək, ana südü istehsalını artırmaq mümkündür. Hər zaman öz ehtiyaclarınıza uyğun bir plan hazırlamağı unutmayın. Unutmayın ki, stresdən uzaq durmaq və rahat bir mühitdə olmaq da ana südü istehsalını artırmağa kömək edir.